लम्पी स्किन रोग बिरुद्ध भगवानपुर गाउँपलिकाद्वारा अभियान संचालन ।

सुभाष यादव सरहान,सिरहा।
१७ श्रावण २०८०
सिरहाको भगवानपुर गाउँपालिकाले लम्पि स्किन रोग नियन्त्रणको लागि खोप अभियान संचालन गरेको छ । हिजो मंगलबार जनप्रतीनीधी र पशु डाक्टर सहितको टोलि द्वारा वडा नम्बर ४ ठाडी बाट उक्त अभियान संचालन गरिएको हो । अहिले देशको विभिन्न स्थानमा गाई, गोरु र भैँसीमा यो संक्रमण देखिन थालेपछि गाउँ पालिका अध्यक्षको बिशेष पहलमा खोप अभियानकै रुपमा सञ्चालन गरेको भगवानपुर गाउँपालिका पशु शाखा प्रमुख रामशुन्दर दासले जानकारी दिनुभएको हो ।

पशु शाखा प्रमुख रामशुन्दर दास का अनुसार यो रोग क्याफ्री पक्स भाइरस द्वारा संक्रमण हुने यो रोग बाट गाई,गोरु,भैंसी लगायतका पशुहरुमा संक्रमण देखा परेको हो।उक्त रोग नियन्त्रण गर्न पशु चिकित्सक सहितको टोलि पालिका बासिको प्रत्येक घर घरमा गई उपचारको रुपमा भ्याक्सिन दिरहेको गाउँ पालिका अध्यक्ष उग्रनारायण यादवले जानकारी गराउनु भएको हो।
लम्पी स्किन रोगका कारण मर्नेमा प्रायः गोरु, भर्खरै जन्मेका बाच्छाबाच्छी, पाडापाडी, गर्भवती र हालै ब्याएका गाईभैँसी हरु रहेका छन्।

लम्पी स्किन कहाँकहाँ फैलिएको छ?
पशु सेवा विभागका अनुसार नेपालको मोरङ जिल्लामा विसं २०७७ सालको साउन २२ गते पहिलो पटक लम्पी स्किन रोग पुष्टि भएको थियो।

लम्पी स्किन रोग पहिलो पटक अफ्रिकी मुलुक जाम्बियामा सन् १९२९ मा देखिएको थियो।

केही समयसम्म त्यो सब-सहारन अफ्रिकामा सीमित रह्यो भने बिस्तारै उत्तर अफ्रिका, मध्यपूर्व, युरोप र एशियासम्म फैलियो।

राष्ट्रसङ्घको खाद्य तथा कृषि सङ्गठन (एफएओ) का अनुसार सन् २०१९ को जुलाईमा पहिलो पटक बाङ्ग्लादेश, चीन र भारतमा लम्पी स्किन देखिएको थियो।